Salamat po Mayor at buong LGU GenSan: TATAK Heneral sa pagkilala at suporta!

Kinilala ngayong umaga ang mga manlalarong Heneral na lumahok sa kakatapos lamang na SOCCSKSARGEN Regional Athletic Association (SRAA) Meet na iginanap sa Koronadal City mula March 3 hanggang 7, 2025. Masayang binati ni City Mayor Lorelie Geronimo-Pacquiao kasama ang mga konsehal mula sa ika-20 na Sangguniang Panlungsod ang mga atletang mag-aaral sa Oval Gymnasium ngayong umaga. Sa kanyang mensahe, sinabi ng alkalde na nagagalak siyang makita ang mga atleta, at hinamon niya ang mga ito na iuwi muli ang titulo ng pagiging kampeon sa isasagawang SRAA sa 2026, na gaganapin sa Sultan Kudarat.